謬誤收集處謬誤收集處 2謬誤收集處 3
似乎變成（定一開始已經係）笑話收集處，唔想開系列，寫埋今次就暫時告一段落。其實我都唔係有心揾啲質素一般（肯寫又唔算最低，不過亦不敢恭維）嘅基督徒開刀，只係咁啱就手。有心揾的話香港大把，但又唔係太公平（有蝦小朋友之嫌）。而今次咁寫，最主要原因係手痕，其次係因為好多常見謬論，攞佢哋做例子，環保。
另一方面，我又認為佢哋有咁嘅諗法實在係唔怪得晒佢哋，環境都係重要因素，所以如果你係基督徒你就有責任，否則教會只會越發反智，想幫都幫唔到。
而且，其實唔係得平信徒十零歲小朋友教徒嘅邏輯、思想不
濟，牧師、傳道人都未必好，
之前寫過。
回應:痛斥耶教／kenson13 (+聖靈)
教人信而不想，教人離開科學，教人岐視地方文化。
以上由三句句子所組成的排比句足以篾視了全球21億基督徒們的智慧。
基督教是經過約2千年時間與考古的洗禮依然迄立不倒的宗教，信徒佔世界總人口25%-30%，更是英國等大國的國教。
當中信徒包括科學家，總統和傑出名人等。
以上寥寥數句相信足以證明基督教的公信力，而並不是筆者口中所說的一個叫人迷信的宗教，所以希望下次筆者在振振有詞地批評基督教的同時先進行一些資料搜集。
又係錯誤訴諸歷史、權威、人數。伊斯蘭教都多人，係咪又同等可信？以為人多就係正確嘅人應該唔多讀歷史；以為名人相信就係可信嘅，多半會俾人呃（非正式統計）。佢呢種說理方式當年應該可以「證明」地心說公信力。
我本來看痛斥耶教一文後只是一笑置之，豈料關機後在床上輾轉反側，徹夜難眠，感到聖靈呼召的我決定打一篇文章為基督教和一班聖徒平反。
本人當然亦是一位基督徒，但對基督教的認識不算太深，但相信應付文中一些沒有深度的問題仍能夠游刃有餘，希望用我僅有的聖經知識能啟發讀者雪亮的眼睛，以免受文中的一些歪理而蒙蔽。若有任何錯誤地方請各弟兄姊妹多加提點，謝謝。
原來聖靈你都幾串架喎，見字發夢畀我見識下。原來錯就只有基督徒可以指正。
至於你把人所犯的罪罪源推卸在神身上這個行為我實在有點不屑!
罪的確是神所創造出來的。可是......衪並沒有叫我們去犯呀!筆者這個行為就等同於非禮完一個女孩子後還說:「是你穿得性感才令我會想非禮妳的!」
比喻都要講好啲。你生完仔有時間有能力都唔教好佢，佢去犯事你無責任？
「衪」為我們安排了一切，但卻沒有安排我們犯罪。真正令世界烏煙瘴氣的是誰?
又係呢個問題，神係神，係全能嘅神，我係人，你話全體人類能力大定係神嘅能力大喇？
但請回到現實，想一想，有可能嗎?你言下之意是說如果有一位能令你事事稱心如意的神你就會去信「衪」?人生本來就是要經歷不同的高低起跌令我們感受生命和珍惜生命。
可惜我們常常在埋怨「衪」令我們失去了什麼，卻沒有反思一下其實「衪」已經給了我們很多!
呢啲人睇嘢都係太過狹窄，亦都唔明人哋講乜，聖靈可能走咗。首先，唔係令「我」，而係所有人。其次，唔一定要事事稱心如意，但都唔使有咁多咁殘酷嘅事（發生喺其他人身上）啩。最後，唔係「有個咁嘅神我就信」，而係「如果佢存在，就唔會係而家咁」。
附送多個噴血回應：
創造論同進化論唔可以撈埋黎講架..進化論係完全唔可信既理論..神創造人類個陣,,恐龍都未死架..人無錯係會進化..但只係因為呢個世界變得太快..如果神創造左完美既人類..只會令呢個世界變得更快..人類始終係要進化去適應
第一次聽到有人話進化論係「完全唔可信嘅理論」，勇！唯一「證據」就係「神創造人類嗰陣恐龍都未死」，令我諗起《恐龍之死》呢個故事，好似未貼出嚟，淨係 facebook 轉載咗，聽日貼。如果咁樣唔叫令人遠離科學，點先係？
Comments (9)
hkblog呢d青少年人雜誌, 有時真係好多真心但力不從心既文。「立」吓就算, 不用太花精神。
如果佢哋有人寫到啲要花精神反駁嘅文都好呀.......
我係基督徒都睇到嘔血，真係幫唔落。
@ucckwk - 我諗住你會回數學老師登報嗰篇添，其實以你專業角度睇，教 V-E+F=2 定 V+F-E=2 好（假設學生本身唔係太啱讀數學）？
@euyak - 最近忙住開學，所以好多野想寫都無時間坐定定。果位數學老師既文章我都睇過，感覺好複雜。
對於歐拉多面體公式，「V-E+F=2」呢個結果本身就唔係直觀得來，如果要學生容易「背誦」，「V+F-E=2」都能夠達到目的。我有時甚至會叫佢地記「V+F=E+2」，因直覺上，棱數比頂點或面數多，所以頂點同面聯手都只可以跟棱加多兩個幫手打成平手。其實呢D方法解釋公式都只係想佢地「記得」，遇到較好悟性既同學，我都希望可以逐步導出公式俾佢地「欣賞」。
你又有咩睇法？
係喎，我都唔記得就開學添。
逐步導出公式似乎太難（最簡單好似都要識 M.I. 再放落球面）。
我諗嘅係如果記 V+F-E 似乎仲易記錯，V-E+F 有規律少少。
「V+F=E+2」＜－我諗唔到呢個，呢個真係唔錯，我同意你（老師真係老師，唔同啲）。
@euyak - 多謝，我以前學過既證明係剪開一個立體，以點、棱、面既關係公式導出「V-E+F'=1」，之後再加返一個面上去，得到「V-E+F=2」，其中F'為立體平面化的面數。
另外，我寫左篇《迷信基督教》，希望你唔好介意我擅自連結左你幾篇《謬誤收集處》。如果你有時間，俾小小意見，等我既諗法可以完整D。
> 「衪」為我們安排了一切，但卻沒有安排我們犯罪。
其實唔使講咁多，淨係呢句就已經顯現左呢條友有幾自相矛盾。(原來「一切」係唔包括「犯罪」既)
同情地理解，呢個「一切」只係指物質，唔包括行為（但咁樣分割都係有問題）。