肯定是我過敏

節錄：歷史篇：希特拉的卐（整理：古斌@飄流閱讀館）

　　種族清洗的起點，是「種族衛生」政策，即要從德國人民中進行「清洗」，移除種族劣質元素，包括了殘障。在1935年，希特拉通過了《紐倫堡法案》(Nuremberg Laws)，展開其反閃族主義。而在1939至1945年間，希特拉還進行了一個史稱「T4行動」的安樂死計劃，其中醫生們把上萬被判為無可救藥的人實施安樂死。在1941年以前，官方統計有7萬人因此而被殺，但在「紐倫堡審訊」中發現，之後該計劃仍秘密執行，整個T4中被殺的人多達27萬。

　　「種族衛生」不是納粹主義獨有的。在美國、瑞典、瑞士等地，亦有立法淨化遺傳上有缺憾或具反社會行為的人。在瑞典，因為優生學之名而淨化的人口，於1935至1975年間，就有6萬多。在納粹黨上場後，1933年便通過法案，「強制淨化」的人包括患有「遺傳性疾病」的，如精神分裂、癲癇、亨丁頓舞蹈症、低能等，而長期酗酒及其他反社會行為亦包括在內。據估計，在1933至1939年間，亦有3.6萬人因而被淨化。

　　圖4：納粹的安樂死宣傳，上面標上6萬馬克，細字是：這就是有遺傳缺憾的人一生花掉德國社會的錢，這也是你的錢，然後大字是：讀出新民族

　　恐怕不是 deja vu 吧？眼見面書上教徒盡力傳教主聖言，連「偽左翼，真港奸」也寫了出來，我們還需要等梁振英打壓抵抗資本極權合一的力量嗎？別忘了有人一方面打地產霸權另一方面要求民主派於本土資本家結盟反對梁振英。這一年不知怎的大家對左翼思想熟悉得可以左膠前左膠後，判定左翼即天真即世界大同。（卻隻口不提生產模式或財富分配／再分配。）甚或乎有人以右翼自居，其定位不過是與「左膠」居別。

　　即使以自由派角度觀之，如此狹隘未成納粹也不是甚麼好東西，偏偏不少一度誤以為理性或會獨立思考的人同樣受落，撰文「分析」民粹抬頭、左翼或進步力量失民心之原因，同時犯下本地好些政評人的弊病，以為自已可置身事外而非事情一部份。

　　打從一開始就對透過排拒他人去定義自已有所保留，至今發展（包括民粹抬頭）仍屬意料之內，並非誇讚自己看得準而是異常悲哀。最基本的理性及質疑（特別是對理念相近者質疑）消亡之時，還是去讀多一點書，做好最壞打算。

　　祝大家好運。

同場加映：「唔想齋行可以點？」討論會
時間：五時半（遊行結束後）
地點：中聯辦正門附近空地（干諾道西）

三二五八點半會展
正所謂只要人數夠，唔使掟磚頭
我想連流選都唔要，要癱瘓

FM101團結聲明：全力聲援反遞補5人；立即撤銷所有抗爭者的控罪！

　　事忙，又有其他事要寫，想寫雙非事件嘅所謂「左右翼」問題都未有時間（加引號係因為有啲位我覺得太名不副實了）。不過其中一個不斷寫「左翼右翼」（都係引號，當然唔只佢，好多人都鍾意簡單嘅二分同邏輯跳躍）嘅人原來又出咗篇文講左翼，無知得可笑，其實不值一提但又好似多人睇，順手揾另一篇文章對讀一下。

陳嘉銘：左翼風情畫：與社民黨黨員K的相遇


雖然正常閱讀能力嘅人都會明我唔同意下面篇文，但都要再三聲明，事關太多人真係無。

無待堂：一個前左派的懺悔：殉道，或是厚顏無恥地活著


　　一，啲「渴望女人為了我放棄自主」可能只係作者心底願望，唔知點解可以知道全世界人諗乜咁。

　　二，「廉價」呢個批評本來係有可能成立的，可惜絕對唔係因為男人對女人一無所知。男人當然唔能夠完全理解女人所有感受－例如月經時嘅不適，咁唔等如唔能夠理解其他方面嘅不公－例如同工不同酬嘅。否則任何社會運動中只要唔係當事人，其他人嘅聲援就會立即被貶為「廉價」。甚至你跌親我覺得你會痛（那怕我唔知確實有幾痛）都只係對苦難嘅想像。要不犬儒要不違反常理。（某程度上係，例如我所感知一切事情其實都係大腦訊號，我甚至唔知你存唔存在，但唔係呢個脈絡下講。）

　　三，至於對「弱勢」嘅「憐憫」呢種批評，查實都唔罕見。重點正正在於我哋係咪消費同情心，定係嘗試令所謂弱勢一方自主。有「弱勢一方」原因根本就係某啲唔公平存在已久，而天生成為「強勢一方」未必係原罪，對自己身處環境地位唔理解無反思，視一切為理所當然（係咁架啦），對他人毫無同理心（甚或否定同理心存在）先係問題。

　　四，如果真係要講原罪，我哋一出世種種方便都係透過剝削他人而得，似乎先係。如果自殺唔係罪，咁當然自殺死咗肉身就唔會犯罪，但問題根本就唔係咁解決，除非你絕對唯心（但如果係咁又使乜自殺）。

　　五，「真正左翼一係殉道一係隱居深山自己耕作生產」呢種講法，其實就係逃避主義（得兩條路並且都係逃離要改變嘅現實），亦否定任何改變嘅可能。如果反對呢個體制又不得不在此活下去，當然痛苦，但唯有直面痛苦先有可能如實理解世界。

　　六，更重要自然係直面自己軟弱，而且所有人各自喺個人層面上都有太多唔同嘅考慮、難題而作出不同選擇，現實唔係咁簡單一句「體制仆街你改變唔到就不如去死啦」的。

　　七，況且直面自己軟弱都好重要，有人反地產霸權真係唔申請上網，咁淨係唔去百佳嘅人覺得自己做得唔夠徹底係咪就應該去返百佳（或者自殺）？絕大多數科技受資本支配，唔等如唔用得。如果成個國家嘅兵器喺晒政府度，要武裝推翻政府唔偷又唔揾方法獲得武器又點呢？

　　八，連返去開頭性別政治嘅問題，男性都唔係唔受父權影響的，壓迫者／受壓迫者喺一般人層面未必咁截然二分，正如大家嘅日用品可能係剝削嘅產物，唔等如大家唔會受剝削。而重點係，如何令人覺醒？

　　九，如果要類比，作者呢種邏輯大概係，爭取民主嘅人，眼見而家香港無民主，佢想去爭取嘅資源都係直接或間接嚟自一個非民選政府（背後仲要係個極權），就應該自殺，或者隱居。甚或乎，如果而家你唔擺晒所有力喺爭取民主上面，你就唔係爭取民主，就係偽善。

　　十，成篇文最恐怖係，作者認為唯一可能係做一個「明買明賣的妓女」（喺度唔想講返性別議題了）。咁嘅前左派，或者以前曾自以為係左派？